Review meeting of MLA K. R. Nagaraju on the development of Wardhanapet constituency
(اپنا ورنگل)
ورنگل :
وردھنہ پیٹ حلقۂ انتخاب کی ترقی کے سلسلے میں رکن اسمبلی کے. آر. ناگراجو نے منگل کے روز ضلع کلکٹریٹ میں ضلع کلکٹر ڈاکٹر ستیہ شاردا کے ساتھ جائزہ اجلاس منعقد کیا۔اجلاس میں حلقۂ انتخاب میں جاری مختلف ترقیاتی کاموں کی پیش رفت، زیرِ التوا کاموں اور عوام کو درکار بنیادی سہولتوں کے بارے میں رکن اسمبلی نے متعلقہ عہدیداروں سے تفصیلی تبادلۂ خیال کیا۔
انہوں نے ترقیاتی کاموں میں تیزی لاتے ہوئے مقررہ مدت کے اندر انہیں مکمل کرنے کی ہدایت دی۔رکن اسمبلی نے کہا کہ عوام کو بہتر بنیادی سہولتیں فراہم کرنے کے لیے ترجیحی بنیادوں پر کام انجام دیے جائیں اور ترقیاتی کاموں میں معیار کے اصولوں کی پابندی کی جائے۔
انہوں نے عہدیداروں کو ہدایت دی کہ مختلف محکموں کے درمیان بہتر تال میل کے ساتھ کام کرتے ہوئے حلقۂ انتخاب کی ترقی کے لیے ضروری اقدامات کیے جائیں۔اس جائزہ اجلاس میں ایڈیشنل کلکٹر ریونیو جی سندھیارانی اور متعلقہ عہدیداروں سمیت دیگر افراد نے شرکت کی۔
News Source : M.F. Baig Riaz
