The government’s aim is to empower women economically, International Women’s Day celebrations, address by Minister of State for Welfare Adluri Laxman Kumar
(اپنا ورنگل)
جگتیال :
ریاست کے ایس سی، ایس ٹی، بزرگ، معذور اور ٹرانس جینڈر امپاورمنٹ کے وزیر اڈلوری لکشمن کمار اور ڈسٹرکٹ ایڈیشنل کلکٹر (ریو نیو) بی۔ایس۔ لتا اور ڈی۔ار۔ڈی۔او۔رگھو ورن نے جگتیال ضلع کے اینڈاپلی منڈل کے راجا رام پلی گاؤں میں منعقدہ بین الاقوامی یوم خواتین کے پروگرام میں بطور مہمان خصوصی شرکت کی۔اس موقع پر گاؤں میں منی دیپا اور وینائیکا گرام باہمی امداد بچت اور کریڈٹ کوآپریٹیو سوسائٹی کی نئی عمارت کا افتتاح کیا ۔ بعد ازاں انہوں نے منعقدہ اجلاس سے خطاب کیا۔اس موقع پر خطاب کرتے ہوئے ریاستی بہبود کے وزیر اڈلوری لکشمن کمار نے کہا۔ریاست کے چیف منسٹر اے ریونت ریڈی کا ہدف ریاست کی ایک کروڑ خواتین کو کروڑ پتی بنانا ہے۔ انہوں نے کہا کہ حکومت خواتین کو بااختیار بنانے کے لیے کئی فلاحی اسکیمیں نافذ کررہی ہے۔ انہوں نے کہا کہ اے ۔
ریونت ریڈی نے چیف منسٹر کا عہدہ سنبھالتے ہی خواتین کی حمایت کے عزم کے ساتھ پہلی مفت بس سفر کی سہولت پر دستخط کئے اور خواتین کو مفت بس کی سہولت فراہم کی۔انہوں نے کہا کہ حکومت خواتین کے گروپوں کی معاشی ترقی کے لیے خصوصی اقدامات کر رہی ہے۔ انہوں نے کہا کہ حکومت خواتین کے گروپوں کو آر ٹی سی بسیں چلانے کے مواقع فراہم کرکے، پٹرول بنک اور شمسی توانائی کے پلانٹس جیسے روزگار کے مواقع فراہم کرکے خواتین کو مالی طور پر مضبوط کرنے کے لئے کام کر رہی ہے۔انہوں نے خواتین پر زور دیا کہ وہ حکومت کی طرف سے فراہم کردہ اسکیموں سے فائدہ اٹھائیں اور ساتھ مل کر آگے بڑھیں۔ انہوں نے راجارام پلی گاؤں میں خواتین کے گروپوں کے ارکان کو یقین دلایا کہ وہ ان کی اقتصادی ترقی کے لیے مکمل تعاون فراہم کریں گے۔ انہوں نے کہا کہ وہ گاؤں میں مٹن پروسیسنگ یونٹ قائم کرنے کے علاوہ مزید ترقیاتی اسکیمیں لانے کے لیے کام کریں گے۔
انہوں نے تمام خواتین کو خواتین کے عالمی دن کی مبارکباد دی۔اس موقع پر ایڈیشنل کلکٹر (ریونیو) بی ۔ایس۔ لتا نے کہا تمام خواتین کو خواتین کا عالمی دن مبارک ہو۔انہوں نے کہا کہ خواتین معاشرے کی ترقی میں کلیدی کردار ادا کرتی ہیں۔ انہوں نے کہا کہ خواتین کو مساوی حقوق اور مواقع فراہم کرکے معاشرہ مزید ترقی کرے گا۔ انہوں نے کہا کہ کومت خواتین کی فلاح و بہبود اور انہیں بااختیار بنانے کے لیے بہت سی اسکیمیں نافذ کررہی ہے۔ انہوں نے تجویز دی کہ خواتین کو تعلیم، روزگار اور صحت جیسے شعبوں میں آگے آنا چاہیے۔ انہوں نے امید ظاہر کی کہ ہر عورت اپنی صلاحیت کو پہچانے اور اعتماد کے ساتھ آگے بڑھے۔انہوں نے کہا کہ خواتین کا عالمی دن خواتین کی کامیابیوں کو تسلیم کرنے اور ان کی حوصلہ افزائی کا دن ہے۔
انہوں نے کہا کہ خاندان، معاشرے اور ملک کی ترقی میں خواتین کا کردار انمول ہے۔ انہوں نے مشورہ دیا کہ خواتین کی حفاظت اور وقار کے لیے ہر ایک کو ذمہ داری سے کام لینا چاہیے۔ انہوں نے کہا کہ خواتین کو سیلف ہیلپ گروپس کے ذریعے مالی طور پر بااختیار بنایا جانا چاہیے۔ انہوں نے کہا کہ خواتین کو تمام شعبوں میں نمایاں مقام حاصل کرنا چاہیے اور معاشرے کے لیے رول ماڈل بننا چاہیے۔اس پروگرام میں خواتین کی بڑی تعداد نے جوش و خروش سے حصہ لیا۔اسپروگرام میں ڈسٹرکٹ ایڈیشنل کلکٹر (ریونیو) بی ایس۔ لتا، ڈی آر ڈی او رگھوورن، مقامی عوامی نمائندوں، عہدیداروں اور دیگر نے شر کت کی۔
News Source : Syed Ghouse
