Husband obstructs wife’s alleged illegal relationship, sensational accusation of murder conspiracy
(اپنا ورنگل)
سوریاپیٹ :
سوریاپیٹ منڈل کے دوبّہ تانڈہ میں پیش آئے اس واقعہ نے یہ بات سامنے لائی ہے کہ خاندانی اختلافات کس حد تک سنگین شکل اختیار کرسکتے ہیں۔ الزام ہے کہ بیوی کے ناجائز تعلقات میں شوہر رکاوٹ بن رہا تھا، جس کے باعث بیوی اور ساس سسر نے مبینہ طور پر اسے قتل کرنے کی سازش رچی۔ متاثرہ شوہر نے پولیس اسٹیشن کے سامنے بیٹھ کر الزام لگایا کہ اسے جان سے مارنے کی کئی بار کوششیں کی گئیں۔
سوریاپیٹ منڈل کے دوبّہ تانڈہ سے تعلق رکھنے والے دھراوت ستیش کی شادی 13 سال قبل پددا پور منڈل کے تُمّہ چٹّو گاؤں کے رہنے والے رماوت بالو اور سیدہ کی بیٹی شلپا سے ہوئی تھی۔ ان کے دو بچے ہیں۔ ستیش کا الزام ہے کہ شادی شدہ زندگی ٹھیک چل رہی تھی، تاہم بعد میں شلپا کے رویے میں تبدیلی آنے کے بعد اختلافات شروع ہوگئے۔ ان کے مطابق شادی سے پہلے ہی پددا پور میں ایک ٹی وی ادارے میں رپورٹر کے طور پر کام کرنے والے وینکٹ ریڈی سے شلپا کے تعلقات تھے اور یہی تعلقات اب ان کے گھریلو اختلافات کی وجہ بن گئے۔
دوسری طرف یہ بھی الزام عائد کیا جارہا ہے کہ ساس سسر کے خاندانی حالات نے مبینہ سازش کو تقویت دی۔ ان کے دو بیٹے تھے، جن میں بڑے بیٹے کی سڑک حادثے میں موت ہوگئی، جبکہ دوسرا بیٹا پوکسو کیس میں جیل کی سزا کاٹ رہا ہے۔ اس صورتحال میں ساس سسر چاہتے تھے کہ ان کی بیٹی شلپا انہی کے پاس رہے۔ الزام ہے کہ شلپا وینکٹ ریڈی کے ساتھ تعلقات برقرار رکھتے ہوئے اپنے شوہر کو شراب کا عادی ظاہر کرکے طلاق دلوانے کی کوشش کررہی تھی۔
جان سے مارنے کی سازش کے ویڈیو ثبوت کا دعویٰ
گزشتہ اپریل میں چھٹیوں کہہ کر بچوں کو اپنے ساتھ لے جانے والی شلپا واپس نہیں آئی تو ستیش نے پولیس سے رجوع کیا تھا۔ تاہم اس وقت شلپا نے پولیس کو بتایا تھا کہ وہ اپنی مرضی سے گئی ہے۔ حال ہی میں بینک کے کام سے سوریاپیٹ آنے والے ستیش نے اپنی بیوی اور وینکٹ ریڈی کو ایک ساتھ دیکھا۔ پوچھ گچھ کرنے پر وینکٹ ریڈی نے مبہم جواب دیتے ہوئے کہا کہ شلپا نے ہی اسے بلایا تھا۔
اس دوران ستیش نے وینکٹ ریڈی کا فون دیکھا تو مبینہ طور پر اسے قتل کرنے کے طریقوں سے متعلق سازش کی ویڈیوز سامنے آئیں۔اسی دوران شلپا نے اپنے بچوں کو اغوا کرنے کا الزام لگاتے ہوئے ستیش، گاؤں کے سرپنچ اور مزید پانچ افراد کے خلاف بھی مقدمہ درج کرایا۔ ستیش کا کہنا ہے کہ رات کے اوقات میں کچھ افراد گاؤں کے اطراف گھوم کر اسے قتل کرنے کے لیے ریکی کرتے رہے۔
اس نے الزام لگایا کہ اس کی تمام جائیداد ہڑپ کرنے کے لیے اسے راستے سے ہٹانے کی کوشش کی جارہی ہے۔ ستیش نے 23 اگست کو اپنی بیٹی کے ساتھ وینکٹ ریڈی کی جانب سے مبینہ طور پر نازیبا سلوک کرنے کی شکایت سوریاپیٹ رورل پولیس اسٹیشن میں کی تھی، تاہم پولیس کی جانب سے فوری کارروائی نہ کرنے کا الزام عائد کیا گیا۔
ایس آئی نے زیرو ایف آئی آر درج کی
سوریاپیٹ رورل ایس آئی انیل ریڈی نے بتایا کہ ستیش نے شکایت کی تھی کہ وینکٹ ریڈی نے اس کی بیٹی کے ساتھ نازیبا سلوک کیا۔ چونکہ واقعہ نلگنڈہ ضلع کے ہالیا پولیس اسٹیشن کی حدود میں پیش آیا، اس لیے وینکٹ ریڈی کے خلاف پوکسو ایکٹ کے ساتھ ساتھ ایس سی، ایس ٹی اٹروسٹیز ایکٹ کے تحت زیرو ایف آئی آر درج کرکے ہالیا پولیس اسٹیشن منتقل کردی گئی۔ انہوں نے بتایا کہ ہالیا پولیس نے بھی کیس قبول کرلیا ہے۔
متاثرہ ستیش نے مطالبہ کیا ہے کہ معاملے کی مکمل تحقیقات کرکے اسے اور اس کے خاندان کو تحفظ فراہم کیا جائے۔ستیش نے الزام لگایا کہ اس کی بیوی اور اس کا مبینہ محبوب روزانہ ویڈیو کال پر بات کرتے تھے اور دونوں نے عریاں ویڈیوز بھی ریکارڈ کی تھیں۔ اس موقع پر ستیش نے وینکٹ ریڈی کے فون میں موجود مبینہ فحش تصاویر اور ویڈیوز میڈیا کو جاری کیں۔ بتایا گیا ہے کہ یہ ویڈیوز فی الحال وائرل ہورہی ہیں۔
News Source : Agency
