Don’t give money to those who ask for money: H Narasimha appeals to farmers affected by lift irrigation scheme
(اپنا ورنگل)
اوٹکور :
ضلع نارائن پیٹ کے کسانوں کو آبپاشی اور پینے کا پانی فراہم کرنے کے مقصد سے شروع کیے گئے مکتھل–نارائن پیٹ–کوڑنگل لفٹ اریگیشن اسکیم کے کام فی الحال شروع ہو چکے ہیں۔بتایا گیا کہ جل سادھنا سمیتی کے قائدین کی جدوجہد اور کسانوں کی تحریکوں کو دیکھتے ہوئے انتخابات کے دوران کانگریس پارٹی نے اقتدار میں آنے پر اس اسکیم کو فوری طور پر مکمل کرنے کا وعدہ کیا تھا۔ اس سلسلے میں چیف منسٹر ریونت ریڈی، وزیر واکیٹی سری ہری اور نارائن پیٹ کی رکن اسمبلی پرنیکا ریڈی کی کوششوں سے اب اسکیم کے کام شروع کیے گئے ہیں۔
اس اسکیم کے لیے اپنی زمینیں کھونے والے کسانوں کو مناسب معاوضہ فراہم کرنے کے لیے ضلع کے کسانوں کی بھلائی چاہنے والے متعدد قائدین نے حکومت سے مطالبہ کیا۔ وزیر واکیٹی سری ہری، ایم ایل اے پرنیکا ریڈی اور کانگریس پارٹی کے سابق ضلعی صدر شیو کمار ریڈی نے اس معاملے کو چیف منسٹر ریونت ریڈی کے علم میں لایا، جس کے نتیجے میں کسانوں کو فی ایکڑ 20 لاکھ روپے معاوضہ دلانے کے لیے اقدامات کیے گئے۔اس موقع پر کسانوں سے اپیل کی گئی کہ اس لفٹ اریگیشن اسکیم میں زمینیں کھونے والے کسان اگر کوئی بھی قائد یا شخص رقم طلب کرے تو اسے ہرگز رقم نہ دیں۔
اگر کوئی شخص یا قائد رقم طلب کرتا ہے تو اس سے واضح طور پر سوال کریں کہ “ہم آپ کو رقم کیوں دیں؟”کسانوں کی بھلائی چاہنے والے قائدین کو چاہیے کہ وہ کسی ذاتی مفاد کے بغیر خلوص اور بے لوث جذبے کے ساتھ کسانوں کے حقوق کے لیے جدوجہد کریں۔کسانوں سے اپیل ہے کہ وہ ہوشیار رہیں اور معاوضے کے معاملے میں کسی بھی فرد کو ذاتی طور پر رقم ادا نہ کریں۔
News Source : Mohd. Ashfaq
