Honorary ceremony for auto driver Shaik Sabir Ali for 23 years of social services
(اپنا ورنگل)
کوہیردکن :
کوہیر منڈل کے آٹو ڈرائیور شیخ صابر علی کی 23 سالہ سوشل خدمات سے متاثر ہوکر یوم آزادی کے موقع پر کوہیر چوراہے پر آٹو یونین اور سیاسی سماجی قائدین کی جانب سے ایک اعزازی تقریب منعقد کرتے ہوئے شالپوشی وگل پوشی کی گئی اور موصوف کوبطور اعزازیہ کے پانچ ہزار روپیے مسٹر میر مظفر حسین کانگریسی قائد کی جانب سے نقدی بھی دیے گئے۔
تفصیلات کے بموجب شیخ صابر علی پیشہ سے ایک آٹو ڈرائیور ہے لیکن جب کبھی ایکسیڈنٹ حادثات کی اطلاع پولیس یا دوست احباب کی جانب سے ملتی تو فوراً زخمیوں کو ہسپتال پہنچاتے اور اس سوشل کام کو 23 سال سے مفت انجام دیتے آرہے ہیں موصوف کی خدمات کو سراہتے ہوئے ایک اعزازی تقریب سیاسی سماجی قائدین کی جانب سے منعقد کی گئی۔
اس موقع پر میر مظفر حسین کانگریسی قائد وصدر،مسٹر اشوک میونسپلٹی چیرمین کوہیر،نائب چیئرمین عبدالحنان جاوید کے علاوہ محمد کلیم الدین کونسلر،چاند قریشی کونسلر،سید لئیق الدین سابقہ کوآپشن ممبر،جگدیش ریڈی سابق سرپنچ،حامد علی قائد،محمد رفیع الدین کونسلر کے علاوہ دیگر قائدین بھی موجود تھے۔
News Source : Gulam Mustafa
