District Collector Dr. Satya Sharda holds review meeting regarding TET exams in Warangal
(اپنا ورنگل)
ورنگل :
ضلع کلکٹر ڈاکٹر ستیہ شاردا نے عہدیداروں کو ہدایت دی کہ ضلع میں 3 جنوری سے 20 جنوری تک منعقد ہونے والے ٹی ای ٹی (ٹیچر اہلیت امتحان) کے تمام انتظامات مکمل کرلئے جائیں۔ اس سلسلے میں کلکٹر نے اپنے دفتر میں متعلقہ محکموں کے عہدیداروں کے ساتھ جائزہ اجلاس منعقد کیا۔کلکٹر نے بتایا کہ 3 تا 20 جنوری کے درمیان امتحانات نرسم پیٹ کے لکنے پلی بی آئی ٹی ایس کالج اور ورنگل شہر میں گوپالا سوامی کے قریب واقع این ایس گلوبل ٹیکنالوجی مراکز میں منعقد ہوں گے۔
امتحانات دو شیفٹوں میں ہوں گے — صبح 9 بجے سے 11:30 بجے تک اور دوپہر 2 بجے سے شام 4:30 بجے تک — کمپیوٹر پر مبنی نظام کے ذریعے تقریباً 1400 امیدوار امتحان میں شرکت کریں گے۔انہوں نے بتایا کہ امتحانی مراکز پر پولیس بندوبست اور دفعہ 144 نافذ کی جائے گی۔ قریبی زیروکس مراکز کو عارضی طور پر بند رکھنے کی ہدایت دی گئی۔
امتحانی مراکز میں اے این ایم اسٹاف کے ساتھ ابتدائی طبی امداد کے مراکز بھی قائم کیے جائیں گے۔ کلکٹر نے متعلقہ عہدیداروں کو ہدایت دی کہ کمپیوٹرز، جنریٹرز اور بنیادی سہولتیں بلا تاخیر فراہم کی جائیں تاکہ امیدواروں کو کسی قسم کی دشواری پیش نہ آئے۔اس اجلاس میں ڈی آر او وجیا لکشمی، ضلع تعلیمی افسر رنگیا نائڈو، ڈی ایم اینچ او ڈاکٹر سامباشیوا راؤ، بجلی و آر ٹی سی شعبہ جات کے عہدیداروں سمیت کئی دیگر حکام نے شرکت کی۔
News Source : M.F. Baig Riaz
