The annual Urs of Hazrat Khwaja Sheikh Mohammad Hamidullah Shah Qadri (RA)
(اپنا ورنگل)
بیدر :
درگاہ حضرت خواجہ شیخ محمد حمیداللہ شاہ قادری الچشتی ؒ منگلگی شریف تعلقہ چٹگوپہ ضلع بیدر کا سہ روزہ 31واں سالانہ عرس و صندل شریف نہایت ہی ادب و احترام کے ساتھ منایا جائیگا۔تفصیلات کے بموجب ۶۱/جما دی الثانی مطابق 8/دسمبر بروز پیر کو بعد نماز مغرب قیام گاہ حضرت ممدوح ؒ آئی بی کالونی سے نکل کر درگاہ حضرت ممدوحؒ پہونچیگا۔پیر طریقت جناب خواجہ شیخ محمد عظیم اللہ شاہ قادری الچشتی بندہ نوازی سجادہ نشین و متولی درگاہ حضرت ممدوح ؒ جملہ رسومات صندل مالی کی خصوصی خدمات علمائے مشائخین، سجادگان و متولیان،مریدین و معتقدین، سرگروہانِ فقراء کی موجودگی میں انجام دینگے۔بعد ادائیگی صندل مالی گلہائے عقیدت، سلام و نیاز فاتحہ، تقسیم تبرکات بدست سجادہ نشین ہونگے۔بعد صندل محفل سماع کا انعقاد عمل میں آئیگا۔
۷۱/جمادی الثانی مطابق 9/دسمبر بروز منگل بعد نماز عصر تنصیف سنگ بنیادقادری مسجد رکھا جائیگا، بعد نماز مغرب جشن چراغاں، بعد ادائیگی نماز عشاء جلسہ جشن عظمت اولیاء اللہ کا انعقاد عمل میں آئیگا۔اس مقدس جلسہ کو ممتاز علمائے دین و حضرت علامہ مولانا حافظ وقاری ڈاکٹر سید رضون پاشاہ قادری کامل جامعہ نظامیہ و صدر قرآن اکیڈمی حیدرآباد بحیثیت مہمان خصوصی شرکت و خطاب کریں گے۔
جلسہ کی کارروائی کا آغاز قرأت کلام پاک سے ہوگا۔ ممتاز نعت خواں نعت رسول پیش کریں گے۔۸۱/جمادی الثانی مطابق 10/دسمبر بروز چہارشنبہ بعد نماز فجر ختم القرآن مجید،پیشکشی چادر گُل و تقسیم تبرکات بدست محمد علیم الدین قادری المعروف ایم اے قادری عمل میں آئینگے۔سجادہ نشین و فرزند سجادہ نشین نے مریدین و معتقدین سے سہ روزہ تقریب میں کثیر تعداد میں شریک ہوکر ثواب دارین حاصل کریں۔
News Source : M.A. Samad Manju wala
