Last date for open school admissions extended to September 15
(اپنا ورنگل)
مکتھل:
تلنگانہ اوپن اسکول سوسائٹی (TOSS) کے تحت دسویں جماعت اور انٹرمیڈیٹ میں داخلہ لینے کے خواہش مند امیدواروں کے لیے داخلوں کی آخری تاریخ 15 ستمبر تک بڑھا دی گئی ہے۔ یہ اطلاع مکتھل بوائز ہائی اسکول اوپن اسکول کے اسسٹنٹ کوآرڈینیٹر ابراہیم آباد لکشمن نے ایک بیان میں دی۔اس موقع پر لکشمن نے کہا کہ جو افراد کسی وجہ سے باقاعدہ تعلیم حاصل نہیں کر سکے یا خاندانی حالات کے باعث تعلیم درمیان میں چھوڑنے پر مجبور ہوگئے،
ان کے لیے اوپن اسکول کا نظام دوبارہ تعلیم جاری رکھنے کا بہترین موقع فراہم کرتا ہے۔انہوں نے کہا کہ اوپن اسکول کے ذریعے فاصلاتی تعلیم حاصل کرکے اعلیٰ تعلیم مکمل کرنے اور زندگی میں کامیاب ہونے والے متعدد افراد موجود ہیں۔ لہٰذا کسی بھی وجہ سے تعلیم سے دور ہونے والے افراد کے لیے دوبارہ تعلیم حاصل کرنے کا موقع اوپن اسکول فراہم کر رہا ہے۔
لکشمن نے طلبہ سے اپیل کی کہ اوپن اسکول کی جانب سے فراہم کیے جانے والے اس موقع سے بھرپور استفادہ کرتے ہوئے اپنے روشن مستقبل کی بنیاد رکھیں۔اوپن اسکول میں داخلہ لینے کے خواہش مند طلبہ مزید معلومات کے لیے 9494270940 اور 7730938373 پر رابطہ کرسکتے ہیں۔
News Source : Mohd. Mujeeb
