Complaints received in Praja Vani should be resolved immediately: Warangal District Collector Dr. Satya Sharada
(اپنا ورنگل)
ورنگل :
ورنگل ضلع کلکٹریٹ کے کانفرنس ہال میں پیر کے روز منعقدہ پراجا وانی پروگرام میں ضلع کلکٹر ڈاکٹر ستیہ شاردا نے عوام سے براہِ راست درخواستیں وصول کیں اور متعلقہ افسران کو ہدایت دی کہ ہر درخواست کا سنجیدگی سے جائزہ لے کر جلد از جلد اس کا ازالہ کیا جائے۔پروگرام میں مجموعی طور پر 153 درخواستیں موصول ہوئیں، جن میں ریونیو محکمہ سے متعلق 41، جی ڈبلیو ایم سی سے متعلق 30، ہاؤسنگ محکمہ سے متعلق 20 جبکہ دیگر مختلف محکموں سے متعلق 62 درخواستیں شامل تھیں۔
ضلع کلکٹر نے تمام درخواستیں فوری طور پر متعلقہ محکموں کو بھیجنے اور ان پر تیزی سے کارروائی کرنے کی ہدایت دی۔ڈاکٹر ستیہ شاردا نے کہا کہ پراجا وانی میں سب سے زیادہ درخواستیں ریونیو، ہاؤسنگ اور جی ڈبلیو ایم سی سے متعلق موصول ہو رہی ہیں۔ انہوں نے متعلقہ حکام کو ہدایت دی کہ ان معاملات کو ترجیحی بنیادوں پر نمٹا کر عوامی مسائل کا جلد از جلد حل یقینی بنایا جائے۔بے روزگاری سے متعلق موصول ہونے والی درخواستوں کا جائزہ لیتے ہوئے ضلع کلکٹر نے بتایا کہ کاکتیہ میگا ٹیکسٹائل پارک میں ٹیلرنگ کا ہنر رکھنے والے افراد کے لیے روزگار کے مواقع دستیاب ہیں۔
انہوں نے افسران کو یہ بھی ہدایت دی کہ پراجا وانی کی کوئی بھی درخواست زیر التوا نہ رہنے پائے۔انہوں نے محکمہ صحت کو ہدایت دی کہ برسات کے موسم میں موسمی بیماریوں کی روک تھام کے لیے پیشگی منصوبہ بندی کی جائے اور عوام میں وسیع پیمانے پر بیداری پیدا کی جائے۔
اس کے ساتھ ہی تمام بنیادی مراکز صحت میں ضروری ادویات کی دستیابی کو یقینی بنانے کی بھی ہدایت دی۔اس موقع پر ایڈیشنل کلکٹر (ریونیو) جی. سندھیارانی، ایڈیشنل کلکٹروائی. وی. گنیش، زیڈ پی سی ای او رام ریڈی، ڈی آر او وجئے لکشمی، ڈی آر ڈی او ناگا پدماجا، ڈی ایم ایچ او ڈاکٹر راجا ریڈی سمیت مختلف محکموں کے ضلعی افسران موجود تھے۔ پراجا وانی پروگرام میں بڑی تعداد میں عوام نے شرکت کرتے ہوئے اپنی درخواستیں پیش کیں۔
News Source : M.F. Baig Riaz
