Warangal Police Commissioner Sunpreet Singh directs for annual inspection at Chelpur police station, immediate action on public complaints
(اپنا ورنگل)
ورنگل:
متاثرین کی جانب سے دی جانے والی شکایات پر فوری کارروائی کی جائے، یہ ہدایت ورنگل پولیس کمشنر سن پریت سنگھ نے دی۔ سالانہ معائنے کے سلسلے میں کمشنر نے ویسٹ زون کے تحت آنے والے چلپور پولیس اسٹیشن کا معائنہ کیا۔ صبح چلپور پولیس اسٹیشن پہنچنے پر پولیس افسران نے کمشنر کا پودے پیش کر کے خیرمقدم کیا۔ اسٹیشن کے احاطے کا جائزہ لینے کے بعد کمشنر نے اسٹیشن ریسیپشن، آئی ٹی عملہ اور دیگر پولیس اہلکاروں کی کارکردگی کے بارے میں معلومات حاصل کیں۔
انہوں نے اسٹیشن کے ریکارڈز، راؤڈی شیٹرز اور مشتبہ افراد کے ریکارڈ، اور زیرالتواء مقدمات کی فائلوں کا بھی معائنہ کیا۔ اس موقع پر کمشنر نے اسٹیشن کے عملے کے مسائل بھی سنے۔ بعدازاں خطاب کرتے ہوئے پولیس کمشنر نے کہا کہ ہر کانسٹیبل گاؤں کا دورہ کر کے امن و امان کے مسائل معلوم کرے۔ ہر دیہاتی کو ٹریفک قوانین کی پابندی یقینی بنانے کے لیے ٹریفک رولز سے متعلق بیداری پیدا کی جائے۔ سڑک حادثات کی روک تھام کے لیے پیشگی اقدامات کیے جائیں۔
انہوں نے غیر قانونی ریت کی نقل و حمل اور اسکولوں کے اطراف تمباکو مصنوعات فروخت کرنے والوں کے خلاف سخت کارروائی کی ہدایت بھی دی۔ اس معائنے کے دوران ویسٹ زون ڈی سی پی راج مہیندر نائک، اے سی پی بھیم شرما، سی آئی سرینواس ریڈی اور ایس آئی نوین کمار موجود تھے۔
News Source : Mohd. Fazal ur Rahman Wajid
