Sports equipment distribution organized by Mera Yuva Bharat
(اپنا ورنگل)
اُوٹکور:
اُوٹکور منڈل مرکز میں آج میرا یووا بھارت کے زیر اہتمام "یووا منڈل وکاس ابھیان” پروگرام کامیابی کے ساتھ منعقد کیا گیا۔ اس موقع پر گاؤں کے نوجوان تنظیموں کے اراکین میں کھیلوں کا سامان تقسیم کیا گیا۔
ضلع پروگرام کوآرڈینیٹر انیل کمار گوڑ نے کہا کہ اس پروگرام کا مقصد نوجوان تنظیموں کو میرا یووا بھارت سے جوڑنا ہے تاکہ انہیں مزید مواقع اور حوصلہ افزائی مل سکے۔
اس موقع پر والی بال، فٹبال، ہینڈبال، فریسبی اور اسکیپنگ جیسے کھیلوں کا سامان شری کرشنا فرینڈز ایسوسی ایشن اور نعیم فرینڈز ایسوسی ایشن کو دیا گیا۔
سابق زیڈ پی ٹی سی سوریا پرکاش ریڈی نے اس اقدام کو سراہتے ہوئے کہا کہ یہ پروگرام دیہی نوجوانوں میں کھیلوں کے جذبے کو فروغ دینے میں اہم کردار ادا کر رہا ہے۔اس پروگرام میں گاؤں کے بزرگ اور نوجوان بڑی تعداد میں شریک ہوئے۔
News Source : Mohd. Ashfaq
