The area around the LSR tank should be kept clean, meeting of engineering officials. Address by Mayor Warangal Gundu Sudha Rani
(اپنا ورنگل)
ورنگل :
گریٹر ورنگل میئر گنڈو سدھا رانی نے انجینئرنگ عہدیداروں کو ایل ایس آر (ایلیویٹڈ لیول سروس ریزروائر) ٹینک کے ارد گرد کے علاقے کو صاف ستھرا رکھنے کے لیے اقدامات کرنے کی ہدایت دی ۔انہوں نے بلدیہ کے مرکزی دفتر میں مئیرچامبر میں انجینئرنگ افسران اور پانی کی فراہمی کے عملے کے ساتھ منعقدہ اجلاس میں شرکت کرتے ہوئے مئیر نے مؤثر طریقے سے اس کی نگرانی کرنے کے لیے ضروری تجاویز دی۔
اس موقع پر مئیر نے کہاکہ شہر کے حدود میں واقع 11ویں ڈویژن میں آئی ہاسپٹل واٹر ٹینک، کے ایم سی ہاسپٹل میں موجود ایل ایس آر، 24ویں ڈویژ ن مٹھواڑہ میں ایل ایس آر اور 28ویں ڈویژن میں گایتری مندر کے قریب ایل ایس آر کے متعلق ورک انسپکٹرز، لائن مین، اے ایز، ڈی ایز اور ای ایز کے ساتھ اجلاس منعقد کیا گیا۔
ان تمام مقامات پر پانی کی فراہمی کے عمل کو مؤثر بنانے کے لیے مشورے دیے گئے۔انہوں نے کہاکہ گرمیوں کو مدنظر رکھتے ہوئے ان ایل ایس آر ٹینکوں کو پانی بھرنے کے اوقات کو ہم آہنگ کرتے ہوئے انہیں بھرنا چاہیے اور پانی کی فراہمی کو باقاعدہ طور پر مقررہ وقت کے مطابق یقینی بنانا چاہیے۔
لائن مین کو چاہیے کہ وہ آپس میں تعاون کرتے ہوئے ان ایل ایس آر ٹینکوں کو بھرنے کا عمل جاری رکھیں، اور انہیں اپنی حدود میں پانی کی لیکیج کو روکنے کے لیے ہینڈ بورڈ پمپس کی مرمت کروا کر انہیں دوبارہ استعمال میں لائیں۔مئیر نے کہا کہ ایل ایس آر کے ارد گرد کے علاقے کو صاف ستھرا رکھنے کے ساتھ ساتھ مناسب لائٹنگ کا انتظام بھی کیا جائے،
تاکہ پانی کی فراہمی میں کسی قسم کی تاخیر نہ ہو اور عوام کو وقت پر پانی مل سکے۔اس اجلاس میں ای ایز روی کمار، سنتوش بابو، ڈی ایز راج کمار، ستیش، راگی، سری کانتھ، موجامیل اور دیگر افسران نے شرکت کی۔
News Source : Aleem Danish
