(اپنا ورنگل)
کریم نگر ضلع کے گنگادھرا سرکاری اسکول میں ایک انتہائی افسوسناک واقعہ پیش آیا، جہاں اٹینڈر یعقوب نے لڑکیوں کے باتھ روم میں خفیہ کیمرہ نصب کیا تھا۔ اطلاعات کے مطابق وہ کیمرے کے ذریعے ویڈیوز ریکارڈ کر رہا تھا۔جب طالبات نے کیمرہ دیکھ کر شکایت درج کرائی تو پولیس نے فوری کارروائی کرتے ہوئے کیمرہ ضبط کر لیا۔ ابتدائی طور پر یعقوب موقع سے فرار ہوگیا، تاہم پولیس نے تعاقب کے بعد اسے گرفتار کر لیا۔دریں اثنا، یعقوب پر مزید سنگین الزامات سامنے آئے ہیں کہ وہ طالبات کی تصاویر میں چھیڑ چھاڑ کر کے انہیں بلیک میل کرتا اور ویڈیوز دکھا کر جنسی طور پر ہراساں کرتا تھا۔اس افسوسناک واقعہ پر بی جے پی قائدین نے شدید ردعمل ظاہر کرتے ہوئے احتجاج کیا۔ مرکزی وزیر بَنڈی سنجے کمار نے معاملے پر فوری نوٹ لیتے ہوئے کریم نگر کے رورل اے سی پی سے بات کی۔ پولیس حکام نے ان کے استفسار پر بتایا کہ ملزم کو گرفتار کر لیا گیا ہے۔بَنڈی سنجے نے پولیس کو ہدایت دی کہ واقعہ کی مکمل اور شفاف تحقیقات کی جائیں، اور ملزم کے قبضے سے تمام ویڈیوز اور دیگر شواہد ضبط کیے جائیں۔
News Source : Agency
About the Author
