Mufti Salman Azhari Sahib Visiting in Warangal for the Faizan Gharib Nawaz Conference and Dastar Bandi celebration
(اپنا ورنگل)
ورنگل :
مفتی محمد شرف الدین مصباحی ثقافی ناظم دارالعلوم حنفیہ غریب نواز شمعون پیٹ ورنگل کے اطلاع کے بموجب 20واں سالانہ جلسہ فیضان غریب نواز کانفرنس و جشن دستار بندی مدرسہ دارالعلوم حنفیہ غریب نواز شمعون پیٹ ورنگل بتاریخ 4فروری 2026ء بروز چہارشنبہ بوقت بعد نماز عشاء بمقام درگاہ شریف سید شاہ افضل بیابانی رفاعی القادری قاضی پیٹ ورنگل میں منعقد ہوگا۔
اس جلسہ کی صدارت وسرپرستی حضرت سید غلام افضل بیابانی رفاعی القادری المعروف خسرو پاشاہ صاحب سجادہ نشین درگاہ قاضی پیٹ و چیرمین تلنگانہ حج کمیٹی کریں گے۔ مہمان خصوصی کے طور پر عالم شہرت یافتہ خطیب فخر ہندوستان مناظر اہلسنّت حضرت علامہ مولانا الحاج مفتی سلمان ازہری صاحب قبلہ ممبئی مہارشٹرااپنا خصوصی خطاب فرمائیں گے۔زیر نگرانی وکلیدی خطاب حضرت علامہ سید محمد بختیار بیابانی صاحب قبلہ جانشین وسجادہ نشین درگاہ حضرت سید شاہ افضل بیابانی قاضی پیٹ شریف ورنگل کریں گے۔
ان علاوہ حضرت علامہ مولانا خواجہ محمد جعفر العابدین قادری رضوی صاحب قبلہ ناظم اعلیٰ جامعہ محمدیہ خیر العلوم ورنگل، حضرت مولانا مفتی مرزا آصف بیگ مصباحی صاحب ناظم دارالعلوم انوار مصطفی سدی پیٹ خطاب کریں گے۔ ابتدائی خطاب حافظ وقاری محمد نقی انور صدر مدرس دارالعلوم حنفیہ غریب نواز ورنگل کا ہوگا۔ قرأت کلام پاک حافظ وقاری محمد جاوید رضوی خادم دارالعلوم حنفیہ غریب نواز سنانے کی سعادت حاصل کریں گے۔
آپ حضرات اپنے دوست واحباب کے ساتھ اس جلسہ میں کثیر سے کثیر تعداد میں شرکت کی گذارش کی گئی ہے۔ خواتین کے لئے پردہ کا نظم رہے گا۔ مزید تفصیلات کے لئے 8686271001پر رابطہ کریں۔
News Source : M.F. Baig Riaz
