The 438th annual Urs and Sandal Sharif of the shrine of Hazrat Syed Muhammad Hussain Qadri, also known as Hazrat Imam Al-Mudraseen
(اپنا ورنگل)
بیدر :
درگاہ حضرت سید محمد حسین قادری المعروف بہ حضرت امام المدرسین، موقوعہ قادریہ کالونی بیدر کا 438 واں سالانہ عرس و صندل شریف نہایت ہی ادب و احترام کے ساتھ منایا جائے گا۔ تفصیلات کے مطابق حسبِ عمل روایتِ قدیم 11 رمضان المبارک مطابق یکم مارچ بروز اتوار بعد نمازِ عصر شام 4 بجے جلوسِ صندل خانقاہ حضرت شاہ حسین رحمتہ اللہ علیہ مدرس پورہ بیدر سے برآمد ہوکر مختلف راستوں سے ہوتا ہوا درگاہ شریف پہنچے گا۔جناب الحاج محمد ابراہیم قائد مجلس کی سرپرستی میں عقیدت مندان حضرات ممدوح جلوسِ صندل کا استقبال کریں گے۔
بعد ازاں نمازِ مغرب کے بعد سجادہ نشین درگاہ حضرت ممدوح جناب سید شاہ وجاہت اللہ قادری ولد سید شاہ صبغت اللہ قادری مرحوم جملہ رسوماتِ صندلی ممتاز علماء، مشائخین، سرگروہانِ فقراء اور معتقدین کی موجودگی میں انجام دیں گے۔ فاتحہ خوانی، گلہائے عقیدت، سلام و نیاز، دعائے خیر اور تقسیمِ تبرکات عمل میں آئیں گے۔
جناب محمد فراست علی ایڈوکیٹ، جناب سید عمر ہاشمی بانی و ناظم جامعہ ہاشمیہ بیدر، محمد غوث قرشی سابق رکن بلدیہ، محمد اسماعیل ذبیع اللہ، محمد عبدالقادر پلمبر گتہ دار، محمد اظہر پٹیل بچکندہ، محمد مجیب قادری مجیب، حافظ محمد نذیر احمد شرفی، ڈاکٹر اکبر علی تالاکنٹہ، عبدالسلیم بابا نگر، سید منیر چندرائن گٹہ، شیخ عیان چندرائن گٹہ، محمد کلیم جی ایم چاؤنی، محمد سلمان برکس، عبد القدوس تمیم بابا نگر، شاہ عمر قادری الملتانی، شاہ اطہر قادری، محمد فیروز بحیثیت مہمانانِ خصوصی شرکت کریں گے۔اس موقع پر تمام روزہ داروں کے لیے دعوتِ افطار کا بھی اہتمام کیا گیا ہے۔
محمد عبدالاحد محبوب منجووالا، محمد عبدالفہد یعقوب منجووالا اور حکیم محمد اسماعیل سعید نے عقیدت مندوں سے کثیر تعداد میں شرکت کی گزارش کی ہے۔
News Source : M.A. Samad Manju wala
